క్రైమ్ న్యూస్

బస్టాండులో పది వేల బ్లూఫిల్మ్ సీడీలు స్వాధీనం

తమిళనాడులోని కోయంబేడు బస్టాండ్ లో పది వేల నీలి చిత్రాల సీడీలను పోలీసులు స్వాధీనం చేసుకున్నారు. తెల్లవారుజామున అక్కడి బస్టాండ్ లో రెండు ప...

తెలంగాణ వార్తలు

కేసీఆర్ షాకిస్తున్నారు: జగన్‌కు రివర్స్, మేకపాటి మళ్లీ..

హైదరాబాద్: తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు తెలంగాణ రాష్ట్రంలో ప్రతిపక్షాలకు షా...

అంతర్జాతీయ వార్తలు

obama-immigration1211

ప్రతీకార చర్యకు సిద్ధమైన ఒబామా..

సిరియా పై నిఘా విమానాలకు అమెరికా అధ్యక్షుడు ఒబామా సై అన్నారు. ఒబామా తీసుకున్న నిర్ణయంతో ఇస్లామిక్‌ స్టేట్‌ తీవ్రవాదులపై విరుచుకుపడవచ...

హైదరాబాద్ జిల్లా వార్తలు

మూడు ముక్కలుగా గ్రేటర్ హైదరాబాద్

రాజశేఖర్‌ రెడ్డి గారు ముఖ్యమంత్రిగా ఉన్న సమయంలో హైదరాబాద్‌ చుట్టు పక్కల ఉన్న మున్సిపాలిటీలన్నింటికి కలిపి గ్రేటర్‌ హైదరాబాద్‌ మున్సి...

సినిమా వార్తలు

రామ్ తమిళ రీమేక్!

‘వేళ ఇల్ల పట్టాదారి’… దీనినే షార్ట్ కట్ లో ‘వీఐపీ’ అంటున్నారు… ధనుష్, అమలాపాల్ జంటగా నటించిన ఈ తమిళ చిత్రం ఈమధ్య అక్కడ ఓ ఊపు ఊపింది. బాక...

మాస్‌ సినిమాల నుంచి దూరంగా ఎన్టీఆర్‌

jr-ntr-birthday-deisign-photos_1మాస్‌ సినిమాల నుంచి దూరంగా కొన్నాళ్లు వుండాలని ఎన్టీయార్‌ డిసైడ్‌ అయ్యాడంట. అతను నటించగా వచ్చిన సినిమాలు వరుసగా ఫెయిల్‌ అవుతుండేసరికి, ఎన్టీఆర్‌ ఆలోచనలో చాలా మార్పు వచ్చిందని అనుకుంటున్నారు సినీ ఇండస్ట్రీలో. గెటప్‌ ఛేంజ్‌ వరకూ ఇప్పటికే చాలా విధాలుగా ట్రై చేశాడతను. ఇప్పుడు చూపించబోయే మార్పు, శారీరక భాషలో ఉంటుందని టాక్‌.ఒకప్పటి ఎన్టీఆర్‌ మళ్ళీ తెరపై కన్పించేలా అతని స్టైలిస్ట్‌లు కూడా ‘స్కెచ్‌’ ప్రిపేర్‌ చేస్తున్నారన్న ఊహాగానాలు అభిమానులుకు ఆనందాన్ని ఇవ్వడం సహజం. ఎందుకంటే, ఎన్టీఆర్‌ వయసుకు మించిన పాత్రలు తక్కువ వయసులోనే చేసి, పెద్ద పెద్ద హిట్స్‌ కొట్టాడు. ఇప్పుడు వయసుకు తగ్గ సినిమాలు చేస్తున్నా, నిరాశ పర్చుతున్నాయి. దాంతో ఫ్యామిలీ ఆడియన్స్‌కి రీచ్‌ అయితే ఇమేజ్‌ మారి, తద్వారా సక్సెస్‌ ట్రాక్‌ ఎక్కవచ్చన్న మంచి ఆలోచన కలిగిందట ఎన్టీఆర్‌కి.

‘అత్తారింటికి దారేది’ సినిమాతో ట్రెండ్‌ మారింది. చరణ్‌ కూడా మూస మాస్‌ సినిమాలు చేసి, ‘గోవిందుడు అందరివాడేలే’ అంటూ క్లీన్‌ సినిమా వైపు మళ్ళాడు. ఎన్టీఆర్‌ కూడా అదే మార్పు వైపు అడుగులు వేస్తున్నట్లు సమాచారమ్‌. మార్పు మంచిదే. కొన్నాళ్ళు మాస్‌ని దూరం పెడితే, కొన్నాళ్ళ తర్వాత చేసే మాస్‌ సినిమాకి మంచి రెస్పాన్స్‌ వస్తుంది. 

షూటింగ్ లో ఉండగానే బన్ని సినిమా భారీ బిజినెస్

2014-08-28_58_Home_Allu arjunత్రివిక్రమ్ , అల్లు అర్జున్ కాంబినేషన్లో తెరకెక్కుతోన్న సినిమా ఇంకా షూటింగ్ దశలోనే ఉంది. ఇంత వరకు 20శాతం షూటింగ్ కూడా పూర్తి కాలేదు. కానీ అప్పుడే సినిమాకు భారీ డిమాండ్ వచ్చేసింది. ఈ సినిమా ఓవర్సీస్ రైట్స్ ని రూ. 6కోట్లు పలికిందట. ఇక నైజాం ఏరియా హక్కులు రూ.15 కోట్లకుకొంటామని గ్లోబల్ సినిమాస్ సంస్థ ముందుకు వచ్చిందట. అయితే ఈ డీల్స్ ని ఇంతవరకు దర్శక, నిర్మాత బయటకు చెప్పలేదు. ఒకవేళ ఇదే నిజమైతే కనక బన్నీ సినీ కెరీర్ లోనే నైజాం ఏరియా హక్కులు రూ.15 కోట్లు పలకడం రికార్డ్ అని చెబుతున్నారు. వెడ్డింగ్ ప్లానర్ గా రొమాంటిక్ పాత్రలో అల్లు అర్జున్ ఈసినిమాలో నటిస్తున్నాడు. ముగ్గురు భామలు అదాశర్మ, సమంత, నిత్యామీనన్ హీరోయిన్లు చేస్తున్నారు. ఇక తమిళనటి స్నేహ, కన్నడ హీరో ఉపేంద్ర ఈ సినిమాలో కీలకపాత్రల్లో నటిస్తున్నారు. భారీ తారగణంతో తెరకెక్కుతోన్న బన్నీ, త్రివిక్రమ్ ల సినిమా షూటింగ్ దశలోనే భారీ బిజినెస్ చేసుకోవటం టాలీవుడ్ ని ఆశ్చర్యపరుస్తోంది.

కిరణ్ కుమార్ రెడ్డిని భాజపా కేంద్రమంత్రి చేస్తుందా…?

kiran-kumar-reddy2సమైక్య ఛాంపియన్ గా ముద్రవేసుకున్న మాజీ ముఖ్యమంత్రి కిరణ్ కుమార్ రెడ్డి గురించి అసలు ఎలాంటి వార్తలు బయటకు రావడంలేదు. ఐతే ఇటీవల కిరణ్ కుమార్ రెడ్డి భాజపాలో చేరుతున్నారంటూ ప్రచారం జరిగి మళ్లీ ఆగిపోయింది. తాజాగా మరోసారి కిరణ్ కుమార్ రెడ్డి గురించి మరో వార్త ప్రచారం జరుగుతోంది. కిరణ్ కు భారతీయ జనతా పార్టీ తగిన గౌరవాన్ని ఇవ్వడానికి సిద్ధమైందనీ, ఇందుకుగాను కిరణ్ ను పార్టీలో చేర్చుకొని ఆయనకు రాజ్యసభ పదవిని కట్టబెట్టడమే కాకుండా కేంద్రమంత్రి పదవిని కూడా ఇచ్చేందుకు రెడీ అవుతోందంటూ వార్తలు వస్తున్నాయి. సీమాంధ్రలో భాజపా బలపడాలంటే అలాంటి నేతలు రావాలని అటు కాంగ్రెస్ పార్టీ నుంచి ఇటు వైఎస్సార్ కాంగ్రెస్ పార్టీ నుంచి నాయకులను ఆకర్షించడం ద్వారా భవిష్యత్తులో సంస్థాగతంగా ఆంధ్రప్రదేశ్ రాష్ట్రంలో స్థిరపడాలన్న యోచనలో ఆ పార్టీ ఉన్నట్లు ప్రచారం జరుగుతోంది.

కానీ కిరణ్ కుమార్ రెడ్డి వచ్చి భాజపాలో చేరినంత మాత్రాన సీమాంధ్రలో భాజపాకు సంబంధించి రాత్రికిరాత్రే అద్భుతాలేమీ జరుగవని కొందరంటున్నారు. అసలు చెప్పు గుర్తుతో పార్టీ జై సమైక్యాంధ్ర అంటూ పార్టీ పెట్టి సొంత నియోజకవర్గాల్లోనే గెలవలేని కిరణ్ కుమార్ రెడ్డితో భాజపాకు ప్రయోజనం ఎంతమేరకు అనే ప్రశ్నాస్త్రాలు సైతం సంధిస్తున్నారు. చూడాలి… ఏం జరుగుతుందో…?

టాలీ వుడ్‌లో క్రేజీ కాంబినేషన్స్ హవా!

ఒక స్టార్ హీరో సినిమా వచ్చిందంటే చాలు…ఆ సినిమాకుండే క్రేజే వేరు. అదే సినిమాకు ఓ క్రేజీ దర్శకుడు పనిచేస్తే మరి ఆ సినిమాకు మరింత ప్రత్యేకత రావడం అనేది తెలిసిన విషయమే. ఒక స్టార్ దర్శకుడు- ఒక స్టార్ హీరోల కలయికలో వచ్చిన ఓ చిత్రం సంచలన విజయం సాధిస్తే.. మళ్లీ అదే కలయికతో మరో సినిమా వస్తుందంటే ఇక ఆ సినిమాకు మొదటినుండే ఎన్నో అంచనాలు ఏర్పడతాయన్న సంగతి తెలిసిందే. ఇప్పుడు టాలీవుడ్‌లో ఈ క్రేజీ కాంబినేషన్‌ల హవా ఎక్కువైంది.. ప్రస్తుతం ఆ క్రేజీ కలయికలో వస్తున్న సినిమాలు అటు ప్రేక్షకులలోనూ, ఇటు అభిమానుల్లో భారీ అంచనాలను రెకేత్తిస్తున్నాయి. ఈ క్రేజీ కాంబినేషన్‌కు మొదటి ఉదాహరణ ‘బాహుబలి’. ప్రభాస్ హీరోగా ప్రముఖ దర్శకుడు రాజవౌళి తెరకెక్కిస్తున్న ఈ సినిమా ప్రారంభం నుండే భారీ అంచనాలను నెలకొల్పింది. ఈ క్రేజీకి చాలా కారణాలే ఉన్నాయి. అయితే అందులో మొదటిది గతంలో ప్రభాస్‌కు ఛత్రపతి వంటి బ్లాక్‌బస్టర్ హిట్ అందించిన ఎస్.ఎస్.రాజవౌళి దర్శకత్వంలో ఈ సినిమా రావడం…ప్రభాస్ కెరీర్‌లోనే చిరస్థాయిగా నిలిచిపోయంది. అప్పటివరకు మామూలు హీరోగా ఉన్న ప్రభాస్‌ను ఆ సినిమా స్టార్ హీరోగా నిలబెట్టింది. బాక్సాఫీస్ రికార్డులను సైతం బద్దలుకొట్టిన ఆ సినిమా తరువాత మళ్లీ రాజవౌళి ప్రభాస్‌ల కలయికలో వస్తున్న ఈ సినిమాకు ఇప్పటికే అంచనాలు ఆకాశాన్నంటాయి. దానికితోడు తెలుగు సినిమా చరిత్రలోనే అత్యంత భారీ బడ్జెట్‌తో రూపొందుతున్న సినిమా కావడం మరో విశేషం. రాజవౌళి మీదున్న నమ్మకంతో ఈ సినిమాకోసం దాదాపు రెండు సంవత్సరాలుగా ఏ సినిమాను చేయలేదు ప్రభాస్. తన సినిమా కెరీర్‌ను పణంగాపెట్టి ఈ సినిమాకోసం కష్టపడుతున్నాడు. భారీ బడ్జెట్‌తోపాటు భారీస్థాయిలో రూపొందుతున్న ఈ చిత్రాన్ని ఎక్కువ భాషల్లో విడుదలచేయడానికి సన్నాహాలు చేస్తున్నారు.

ఈ సినిమా ఖచ్చితంగా తెలుగు సినిమా చరిత్రను తిరగరాస్తుందని అంటున్నారు విశే్లషకులు. గత రెండేళ్లుగా షూటింగ్ జరుపుకుంటున్న ఈ చిత్రం వచ్చే ఏడాది ఏప్రిల్‌లో విడుదల కానుంది. ఈ సినిమా ఇంకా విడుదల కాకముందే ఇప్పటికే రికార్డుస్థాయిలో బిజినెస్ జరిగినట్టు సమాచారం. ‘బాహుబలి’ చిత్రం ఫస్ట్‌లుక్ ఇప్పటికే సంచలనాలు సృష్టిస్తోంది. మరి ఈ సినిమా విడుదలై మరెన్ని రికార్డులు క్రియేట్ చేయనుందో చూడాలి. ఇక మరో క్రేజీ కాంబినేషన్ గురించి చెప్పాలంటే అది మహేష్‌బాబు- పూరి జగన్నాథ్‌లది. అప్పట్లో వీరిద్దరి కలయికలో వచ్చిన ‘పోకిరి’ చిత్రం బాక్సాఫీస్ రికార్డులను బద్దలుకొట్టింది. ఆ సినిమా సృష్టించిన సంచలనం అంతాఇంతా కాదు. ఆ సినిమాతో మహేష్‌బాబు సూపర్‌స్టార్‌గా నిలిచిపోయాడు. ఆ సినిమా తరువాత మళ్లీ వీరి క్రేజీ కలయికలో వచ్చిన చిత్రం ‘బిజినెస్‌మెన్’. ఈ సినిమాకూడా మంచి విజయాన్ని నమోదుచేసుకుంది. ఈ సినిమా బిజినెస్ మేనేజ్‌మెంట్‌లో పాఠంగా పెట్టారంటే ఆ సినిమా ఎంత పాపులర్ అయ్యిందో అర్థం చేసుకోవచ్చు. ఈ సినిమా తరువాత మళ్లీ వీరిద్దరి కలయికలో మరో చిత్రం రానుంది. ఈ విషయాన్ని దర్శకుడు పూరి జగన్నాథ్ తెలిపాడు. ఇప్పుడు కథ చర్చల్లో ఉన్న ఈ సినిమా త్వరలో సెట్స్‌పైకి వచ్చే అవకాశం ఉంది. ప్రస్తుతం మహేష్‌బాబు కొరటాల శివ దర్శకత్వంలో ఓ సినిమా చేస్తున్న విషయం తెలిసిందే. ఈ సినిమా తరువాత పూరి జగన్నాథ్ సినిమా ఉండొచ్చు. ఈ సినిమాపై ఇప్పటికే క్రేజ్ నెలకొంది. ఇక మరో క్రేజీ కాంబినేషన్ గురించి చెప్పాలంటే అది పవన్‌కళ్యాణ్- త్రివిక్రమ్ శ్రీనివాస్‌లది. వీరిద్దరి కలయికలో వచ్చిన ‘జల్సా’చిత్రం సంచలనం సృష్టించింది.

అప్పటివరకు వరుస పరాజయాలతో ఉన్న పవర్‌స్టార్‌కు ఆ సినిమా మంచి హిట్ ఇచ్చింది. ఆ సినిమాతో మళ్లీ పవర్‌స్టార్ హవా తిరిగి ఊపందుకుంది. ఈ సినిమా తరువాత త్రివిక్రమ్-పవన్‌కళ్యాణ్‌ల కలయికలో వచ్చిన చిత్రం ‘అత్తారింటికి దారేది’. ఈ చిత్రం ఇటీవలే విడుదలై సంచలన విజయం సాధించింది. ఈ సినిమా బాక్సాఫీసు రికార్డులను తిరగరాసి టాలీవుడ్‌లోనే అత్యధిక వసూళ్లు సాధించిన చిత్రంగా చరిత్ర సృష్టించింది. ఈ సినిమా రికార్డ్ ఇప్పటికే అలాగే ఉంది మరి. ఈ సినిమా తరువాత మళ్లీ పవన్‌కళ్యాణ్‌తో సినిమా చేయాలనే ప్లాన్ ఉన్నట్టు త్రివిక్రమ్ ఇదివరకే చెప్పాడు. కోబలి పేరుతో రూపొందే ఈ చిత్రం త్వరలోనే సెట్స్‌పైకి వచ్చే అవకాశం ఉంది. అలాగే మరో క్రేజీ కాంబినేషన్ త్రివిక్రమ్- అల్లు అర్జున్‌లది. ఇప్పటికే అల్లు అర్జున్‌తో ‘జులాయి’వంటి సూపర్‌హిట్ అందించిన త్రివిక్రమ్ కలయికలో మరో చిత్రం రూపొందుతున్న సంగతి తెలిసిందే. ఈ సినిమా షూటింగ్ జరుపుకుంటోంది. ఇప్పటికే ఈ సినిమాపై అంచనాలు భారీగానే ఉన్నాయి. త్రివిక్రమ్ మేకింగ్ స్టైల్‌లో రూపొందే ఈ చిత్రంలో బన్నీ చాలా కొత్తగా కనిపిస్తాడని తెలిసింది. ఈ సినిమాలో అల్లు అర్జున్ సరసన ఏకంగా ముగ్గురు హీరోయిన్స్ నటిస్తుండడం విశేషం. ఈ సినిమాకు బిజినెస్ వర్గాల్లో మంచి క్రేజ్ నెలకొంది. ఇక మరో క్రేజీ కాంబినేషన్ మెగాస్టార్ చిరంజీవి- వినాయక్‌లది. ఆ మధ్య వచ్చిన ‘్ఠగూర్’ చిత్రం సంచలనం సృష్టించిన విషయం విదితమే. ఆ సినిమా చిరంజీవి రాజకీయాల్లోకి ఎంట్రీ ఇచ్చేందుకు తోడ్పడింది. ఆ సినిమా తరువాత మళ్లీ చిరంజీవితో వినాయక్ సినిమా చేయాలని ప్రయత్నించినా అది వర్కవుట్ కాలేదు. దానికి కారణం చిరంజీవి రాజకీయాల్లోకి వెళ్ళడంతో ఆ కోరిక నెరవేరలేదు. అయితే ఇప్పుడు మళ్లీ వీరిద్దరి కలయికలో ఓ సినిమా రూపొందే అవకాశం ఉన్నట్టు తెలుస్తోంది. ప్రస్తుతం చిరంజీవి తన 150వ చిత్రంలో నటిస్తారని ఓకే అయంది. ఇప్పటికే కథ చర్చలు జరుగుతున్నా ఈ సినిమాకు ఇంకా దర్శకుడు ఎవరనేది కన్ఫర్మ్ కాలేదు. అయితే చిరంజీవి 150వ చిత్రానికి దర్శకత్వం వహించాలనే ఆశ ఉన్నట్టు వినాయక్ తెలిపాడు. అయితే మరి వినాయక్ కోరికను చిరంజీవి మన్నిస్తాడో లేదో చూడాలి? ఇలాంటి క్రేజీ కాంబినేషన్‌లు ఇంకా చాలానే ఉన్నాయి మరి! ఈ క్రేజీ కాంబినేషన్లకు బిజినెస్ కూడా అంతే క్రేజిగా ఉంటుంది మరి!

కేసీఆర్ షాకిస్తున్నారు: జగన్‌కు రివర్స్, మేకపాటి మళ్లీ..

హైదరాబాద్: తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు తెలంగాణ రాష్ట్రంలో ప్రతిపక్షాలకు షాకిస్తుంటే, ఆంధ్రప్రదేశ్‌లో వైయస్సార్ కాంగ్రెస్ పార్టీ అధ్యక్షులు, ప్రతిపక్ష నేత వైయస్ జగన్మోహన్ రెడ్డికి సొంత పార్టీ నేతలు ఝలకిస్తున్నారు. తెరాస అధికారంలోకి వచ్చినప్పటి నుండి కాంగ్రెస్, టీడీపీల నుండి పెద్ద ఎత్తున తెరాసలో చేరుతున్నారు.

తెరాసకు హైదరాబాదులో బలం లేదనే వాదన ఉంది. అయితే, తలసాని శ్రీనివాస్ యాదవ్, తీగల కృష్ణా రెడ్డి వంటి వారి చేరికతో బలం పుంజుకుందనే చెప్పవచ్చు. ఇటీవల జరిగిన సార్వత్రిక ఎన్నికల్లో జీహెచ్ఎంసీ పరిధిలో టీడీపీ – బీజేపీ కూటమి 14 స్థానాలలో గెలిచింది.

ఇందులో సాధ్యమైనంత మందిని తమ వైపుకు రప్పించుకునేందుకు తెరాస ప్రయత్నాలు చేస్తోందని అంటున్నారు. త్వరలో జీహెచ్ఎంసీ ఎన్నికలు జరగనున్నాయి. మజ్లిస్ పార్టీతో వెళ్లనున్న తెరాస ఎలాగైనా హైదరాబాద్ పీఠం ఎక్కాలని చూస్తోంది. ఈ నేపథ్యంలో టీడీపీతో పాటు కాంగ్రెస్ వారికి కూడా గాలమేస్తోంది.

కేసీఆర్ షాకిస్తున్నారు: జగన్‌కు రివర్స్, మేకపాటి మళ్లీ..

తాజాగా చేవెళ్ల ఎమ్మెల్యే కేసీఆర్‌ను కలిశారు. Read more

రోహిత్‌, పాండే సెంచరీలు

 గాయం నుంచి కోలుకున్న రోహిత్‌ శర్మతో పాటు మనీష్‌ పాండే సెంచరీలు చేయడంతో గురువారమిక్కడ జరిగిన ప్రాక్టీస్‌ వన్డే మ్యాచ్‌లో భారత్‌-ఎ జట్టు 88 పరుగుల తేడాతో శ్రీలంకను ఓడించింది. మధ్యవేలి గాయం నుంచి కోలుకున్న తర్వాత ఆడిన ఈ తొలి మ్యాచ్‌లో రోహిత్‌ 111 బంతుల్లో 142 పరుగులు చేశాడు. మరోవైపు పాండే 113 బంతుల్లో అజయే 135 పరుగులు సాధించాడు. తొలుత బ్యాటింగ్‌కు దిగిన భారత-ఎ జట్టు నిర్ణీత 50 ఓవర్లలో 6 వికెట్ల నష్టానికి 382 పరుగులు చేయగా.. తర్వాత శ్రీలంక జట్టు 9 వికెట్లు నష్టపోయి 294 పరుగులు మాత్రమే చేయగలిగింది.

టాస్‌ ఓడి బ్యాటింగ్‌కు దిగిన భారత-ఎ జట్టుకు ఓపెనర్లు రోహిత్‌ శర్మ, ఉన్ముక్త్‌ చంద్‌ శుభారంభాన్నిచ్చారు. వీరిద్దరూ తొలి వికెట్‌ 10 ఓవర్లలో 72 పరుగుల భాగస్వామ్యాన్ని అందించారు. రోహిత్‌ శర్మ ఆరంభం నుంచే దూకుడుగా ఆడాడు. దీంతో ఉన్ముక్త్‌ కూడా రెచ్చి పోయాడు. ఇటీవలే వెస్టిండీస్‌పై 79 (నాటౌట్‌), 101 పరుగులు చేసిన ఉన్ముక్త్‌ ఈ మ్యాచ్‌లోనూ అదే ఫామ్‌ను కొనసాగించాడు. 39 బంతుల్లో ఎనిమిది ఫోర్లు ఒక సిక్సర్‌లో 54 పరుగులు చేశాడు. అయితే 13వ ఓవర్లో ఐదో బంతికి ఉన్ముక్త్‌ చంద్‌ లహిరు గమగే బౌలింగ్‌లో కీపర్‌ సంగక్కరకు క్యాచ్‌ ఇచ్చి వెనుదిరిగాడు. ఉన్ముక్త్‌ అవుటయ్యే సమయానికి 36 పరుగుల వద్ద ఉన్న రోహిత్‌ తర్వాత వచ్చిన పాండేతో కలిసి రెండో వికెట్‌కు 214 పరుగుల భారీ భాగస్వామ్యాన్ని అందించాడు. వీరిద్దరు కలిసి లంక బౌలర్లపై కొరడా ఝళిపించారు. గాయం కారణంగా క్రికెట్‌కు దురమై రెండు నెలల తర్వాత మైదానంలోకి దిగిన రోహిత్‌ శర్మ ఎక్కడ కూడా తడబడలేదు. ఆరంభం నుంచే అటాకింగ్‌ గేమ్‌ ఆడాడు. రోహిత్‌ శర్మ 18 ఫోర్లు, ఒక సిక్సర్‌తో 142 పరుగులు చేశాడు. అయితే 41వ ఓవర్లో మూడో బంతికి సెకండ్‌ రన్‌ తీయబోయి రనౌటయ్యాడు. కానీ మరో ఎండ్‌లో ఉన్న పాండే చివరి వరకు జట్టుకు అండగా నిలిచాడు. 15 ఫోర్లు ఒక సిక్సర్‌తో అద్భుతమైన ఇన్నింగ్స్‌ ఆడాడు. కానీ కెప్టెన్‌ మనోజ్‌ తివారీ 26 బంతుల్లో రెండు ఫోర్లు, రెండు సిక్సర్లతో 36 పరుగులు మాత్రమే చేసి పెవిలియన్‌ చేరుకున్నాడు. అయితే 49వ ఓవర్లో భారత జట్టు మూడు వికెట్లను కోల్పోయింది. కానీ అప్పటికే భారీ స్కోరు సాధించడంతో పెద్దగా నష్టమేమీ జరగలేదు. భారత బ్యాట్స్‌మెన్‌ పరుగుల వరదను ఆపేందుకు పది మంది బౌలర్లు ప్రయత్నించినప్పటికీ ఫలితం దక్కలేదు. 26 ఓవర్ల తర్వాత రెగ్యులర్‌ కీపర్‌, మాజీ కెప్టెన్‌ కుమార సంగక్కర కూడా బౌలింగ్‌ చేశాడు. దీంతో కుశాల్‌ పెరీరా కీపింగ్‌ బాధ్యతలు నిర్వర్తించాడు. దమ్మిక ప్రసాద్‌ మినహా మిగతా వారందరూ భారీగా పరుగులు సమర్పించుకున్నారు.

భారీ లక్ష్యంతో బరిలోకి దిగిన శ్రీలంక జట్టు ఆరంభంలోనే తొలి వికెట్‌ కోల్పోయింది. తొలి ఓవర్లో చివరి బంతికి ఓపెనర్‌ కుశాల్‌ పెరీరా (4) అవుటయ్యాడు. తర్వాత వచ్చిన తిలకరత్నే దిల్షాన్‌ (14) కూడా ఎక్కువ సేపు క్రీజులో నిలవలేకపోయాడు. తొమ్మిదో ఓవర్లో తొలి బంతికి దిల్షాన్‌ వెనుదిరిగాడు. దీంతో 42 పరుగులకే రెండో వికెట్‌ కోల్పోయింది. తర్వత వచ్చిన వికెట్‌ కీపర్‌ బ్యాట్స్‌మన్‌ కుమార సంగక్కర మరో ఓపెనర్‌ వుపుల్‌ తరంగతో కలిసి ఇన్నింగ్స్‌ను చక్కదిద్దే ప్రయత్నం చేశాడు. కానీ 22వ ఓవర్లో పర్వేజ్‌ రసూల్‌ వేసిన తొలి బంతికి సంగక్కర (34) అవుటయ్యాడు. సంగక్కర, తరంగ కలిసి మూడో వికెట్‌కు 69 పరుగుల భాగస్వామ్యాన్ని అందించారు. శ్రీలంక 111 పరుగుల వద్ద మూడో వికెట్‌ కోల్పోయింది. ఒక వైపు వికెట్లు పడుతున్నా భారత బౌలర్లను తరంగ ఒక్కడే సమర్థవంతంగా ఎదుర్కొన్నాడు. అయితే 26వ ఓవర్లో మూడో బంతికి తరంగ (76) అవుటయ్యాడు. తరంగ 13 ఫోర్లతో భారత బౌలర్లను చీల్చి చెండాడాడు. తరంగ అవుటయ్యాక వరుస విరామ సమయాల్లో శ్రీలంక జట్టు వికెట్లు కోల్పోయింది. మహేల జయవర్ధనే 31 బంతుల్లో 33 పరుగులు చేసి వెనుదిరిగాడు. అప్పటికి శ్రీలంక జట్టు 173 పరుగులకు ఆరు వికెట్లు కోల్పోయింది. తర్వాత నిరోషన్‌ డిక్వెల్లా, అషాన్‌ ప్రియాంజన్‌ ఏడో వికెట్‌కు 51 పరుగుల భాగస్వామ్యాన్ని అందించారు. కానీ డిక్వెల్లా (29) 39వ ఓవర్లో ఐదో బంతికి అవుటయ్యాడు. తర్వాత వచ్చిన సీకుగె ప్రసన్న, చతురంగ డి సిల్వ జట్టును ఒడ్డుకు చేర్చే ప్రయత్నం చేశారు. కానీ కుదరలేదు. కరణ్‌ శర్మ 47 పరుగులిచ్చి నాలుగు వికెట్లు తీసుకోగా.. కులకర్ణి, పర్వేజ్‌ రసూల్‌ రెండేసి వికెట్లు పడగొట్టారు. కుల్‌దీప్‌ యాదవ్‌కు ఒక వికెట్‌ దక్కింది.

బాయ్ ఫ్రెండ్ తో కలిసి ‘కత్తి’ హీరోయిన్ అరెస్ట్, విడుదల

sana‘కత్తి’, ‘మిస్టర్ నూకయ్య’ సినిమాల్లో హీరోయిన్ గా నటించిన బిగ్ బాస్ రియాలిటీ షో ఫేమ్ సనా ఖాన్, ఆమె బాయ్ ఫ్రెండ్ ఇస్మాయిల్ ఖాన్ అరెస్టయ్యారు. అంబోలీ పోలీసులు తెలిపిన వివరాల ప్రకారం, సనా ఖాన్, ఇస్మాయిల్ ఖాన్ తనను బెదిరించడమే కాకుండా, వేధింపులకు కూడా పాల్పడుతున్నారని ఓ మహిళ ఫిర్యాదు చేసింది. ఓ జిమ్ వద్ద తనపై దాడి చేశారంటూ సనా ఖాన్, ఇస్మాయిల్ ఖాన్ పై సోహిల్ ఖాన్ అనే నటుడు కూడా ఫిర్యాదు చేశాడు.  దీంతో పోలీసులు వారిద్దరినీ అరెస్టు చేసి, అంధేరి న్యాయస్థానంలో హాజరుపరిచారు. అయితే అదే రోజు వారు బెయిల్ పై విడుదలైనట్టు అంబోలి పోలీసులు వెల్లడించారు. ఈ కేసులో తగిన ఆధారాలు సేకరిస్తున్నామని వారు తెలిపారు.

హెల్త్‌కార్డులతో 22 లక్షల మంది ఉద్యోగులకు లబ్ధి

విశాలాంధ్ర బ్యూరో – హైదరాబాద్‌ : ఆంధ్రప్రదేశ్‌ ప్రభుత్వం నగదు రహిత చికిత్స అందించేందుకు జారీ చేసిన హెల్త్‌కార్డుల ద్వారా రాష్ట్ర వ్యాప్తంగా 22 లక్షల మంది ఉద్యోగులు లబ్ధి పొందనున్నారు. ఎన్టీఆర్‌ ఆరోగ్యసేవ ట్రస్టు నెట్‌వర్క్‌ కింద అన్ని ప్రభుత్వ, ప్రైవేటు ఆసుపత్రులలో చికిత్స పొందే అవకాశముంది. ఈ పథకం కోసం ఖర్చు కానున్న రూ.220 కోట్ల నిధులలో 40 శాతం లబ్ధిదారుల నుండి వసూలు చేస్తారు. మిగిలిన 60 శాతం ప్రభుత్వమే భరిస్తుంది. నిధులలోని రూ.22 కోట్లతో 15 శాతం దీర్ఘకాలిక వ్యాధుల రోగ నిర్ధారణ పరీక్షలు, డాక్టర్ల అపాయింట్‌మెంట్‌ కోసం ఖర్చు చేస్తారు. మధుమేహం, అధికరక్తపోటు, కేన్సర్‌, మూత్రపిండాలు, గుండె సంబంధిత వ్యాధులతో పాటు దీర్ఘకాలిక వ్యాధులతో బాధపడేవారి ఉద్యోగుల కోసం ప్రాంతీయ, జిల్లా, బోధన ఆసుపత్రులలో ప్రత్యేక క్లినిక్‌లు నిర్వహిస్తారు. ఈ క్లినిక్‌లు ప్రతిరోజు మధ్యాహ్నం 2 నుంచి సాయంత్రం 4 గంటల వరకు నడుస్తాయి. క్లినిక్‌లలో రక్త పరీక్షల నమూనాల సేకరణ, రేడియాలజీ సేవలు అందుబాటులో ఉంటాయి. ఉద్యోగులు డాక్టర్‌ కన్సల్టింగ్‌ ఫీజు కింద రూ.50 చెల్లించాలి, అలాగే సూపర్‌ స్పెషాలిటీ వైద్య సేవల కోసం రూ.100 చెల్లించాలి. ఆన్‌లైన్‌లో కూడా ఉద్యోగులు డాక్టర్ల అపాయింట్‌మెంట్‌ తీసుకునే సదుపాయం కల్పించారు. 40 ఏళ్ళు దాటిన ఉద్యోగులు అందరూ ఏటా ఒకసారి ఉచితంగా నోటిఫైడ్‌ ఆసుపత్రులలో ఆరోగ్య పరీక్షలు చేయించుకోవచ్చు. దీనికి సంబంధించిన మార్గదర్శకాలను త్వరలో జారీ చేయనున్నారు.

పీఆర్సీపై మంత్రివర్గ ఉప సంఘం : సీఎం

విశాలాంధ్ర బ్యూరో- హైదరాబాద్‌ : ప్రభుత్వ ఉద్యోగుల కోరిక మేరకు పెండింగ్‌లో ఉన్న పిఆర్‌సి నివేదికపై మంత్రివర్గ ఉపసంఘాన్ని ఏర్పాటు చేసి సమస్య పరిష్కరిస్తామని ఆంధ్రప్రదేశ్‌ ముఖ్యమంత్రి నారా చంద్రబాబునాయుడు హామీ ఇచ్చారు. పిఆర్‌సిపై చర్చించేందుకు త్వరలో ఉద్యోగులతో సమావేశాన్ని నిర్వహిస్తామన్నారు. రెండు, మూడు నెలలకోసారి ప్రతి జిల్లాలోని ఉద్యోగులతో సమావే శమై వారి న్యాయసమ్మతమైన కోరికలను తీర్చుతా మన్నారు. ఉద్యోగుల జీతాలను పెంచేందుకు తాను వ్యతిరేకం కాదని, కానీ రాష్ట్రం ఆర్థికంగా పుంజుకునేందుకు ఉద్యోగులు సహకరించాలని ఆయన కోరారు. సామాన్యులకు మెరుగైన సేవలందించేందుకు ఉద్యోగులు కృషి చేయా లని ఆయన పిలుపునిచ్చారు. పని విధానంలో టెక్నాలజీని అనుసంధానించాలని సూచించారు. గురువారమిక్కడ రవీంద్రభారతిలో ఆరోగ్యశాఖ మంత్రి కామినేని శ్రీనివాస్‌ అధ్యక్షతన ప్రభుత్వ ఉద్యోగులకు ఆరోగ్య కార్డులపంపిణీ కార్యక్రమం జరిగింది.

బాలయ్య పాటకి కళ్యాణ్ డాన్స్

kalyan-ram-adwitha-300x210‘అరే ఓ సాంబ… హాయిరే రంగా.. నందమూరి నటిసింహం బాలకృష్ణ నటించిన ‘రౌడీ ఇన్స్ ఫెక్టర్’ చిత్రంలోని సూపర్ హిట్ గీతమిది. ఇప్పుడీ పాట రీమిక్స్ కాబోతుంది. అబ్బాయ్ కళ్యాణ్ రామ్ ఈ పాటకు స్టెప్స్ వేయనున్నాడు. కళ్యాణ్ రామ్ లేటెస్ట్ చిత్రం ‘పటాస్’. అనిల్ రావిపూడి దర్శకుడు. ఈ చిత్రం కోసం ‘రౌడీ ఇన్స్ ఫెక్టర్’ లోనీ సూపర్ హిట్ గీతాన్ని రీమిక్స్ గా వినిపించబోతున్నారని సమాచారం. త్వరలోనే ఈ పాటను షూట్ చేస్తారని చెబుతున్నారు. ఇంతకు ముందు బాలయ్య పాట ‘దంచవే మేనత్త కూతురా’ను రీమిక్స్ గా వినిపించారు. వేరే హీరోలైనప్పటికీ థియేటర్లో సూపర్ రెస్పాన్స్ వచ్చిందీ రీమిక్స్ పాటకు. ఇప్పుడు నందమూరి హీరో  ‘అరే ఓ సాంబ’ రీమిక్స్ ను వినిపించబోతున్నాడు. బాబాయ్ పాటకి అబ్బాయ్ డాన్స్ అంటే ఆ సందడే వేరు. థియేటర్లో నందమూరి అభిమానుల చప్పట్లు, ఈలల వర్షం గ్యారెంటీ. అన్నట్టు..ఈ చిత్రంలో కళ్యాణ్ రామ్ కూడా  పోలీసు ఇన్స్ ఫెక్టర్ పాత్ర పోషిస్తున్నాడు. చిత్రానికి సాయి కార్తీక్ మ్యూజిక్ అందిస్తున్నాడు. డిసెంబర్లో చిత్రాన్ని రిలీజ్ చేయడానికి సన్నాహాలు జరుగుతున్నాయి. 

వంద కోట్ల క్లబ్‌కి దగ్గరలో ‘కత్తి’

kathiదీపావళి సందర్భంగా కోలీవుడ్‌లో విడుదలైన ‘కత్తి’ కలెక్షన్లలో దూసుకుపోతోంది. ఫస్ట్‌వీక్ 82 కోట్లు రాబట్టిన ఈ చిత్రం, వీకెండ్ నాటికి 100 కోట్ల క్లబ్‌పై ఫోకస్ పెట్టింది. ‘కత్తి’ ధాటికి కోలీవుడ్‌లో రికార్డులు బద్దలవుతున్నాయి. కేవలం వారంలోనే 82 కోట్లు కలెక్షన్లు రావడంతో ట్రేడ్ వర్గాలు షాకయ్యాయి.

ఈ మూవీ విడుదలకు ముందు కోలీవుడ్‌లో పెద్ద వివాదమే రేగింది. ఈ సినిమా ప్రొడ్యూసర్‌కి శ్రీలంక అధ్యక్షుడు మహేంద్ర రాజపక్సేతో సంబంధాలున్నాయన్న కారణంగా కొన్ని తమిళ సంఘాలు ఈ సినిమా ప్రదర్శించే థియేటర్లని ధ్వంసం చేశాయి. మొత్తానికి ఎలాగోలా వివాదం సద్దుమణిగి థియేటర్లకు వచ్చింది. దీంతో సినిమాలో ఏముందోనన్న ఆసక్తి అందరిలోనూ మొదలైంది. వివాదాస్పద డైలాగ్స్‌పై కోర్టులో కేసు నడుస్తూనే వుంది. కానీ, ఈ మూవీ ఇచ్చిన విజయంతో హీరో విజయ్, హీరోయిన్ సమంత, దర్శకుడు మురుగదాస్ ఫుల్‌ఖుషీగా వున్నారు. ఫస్ట్ డే 15 కోట్లు రాబట్టి చరిత్ర రాసిన ‘కత్తి’, ఇక వెనుదిరిగి చూడలేదు. విడుదలైన అన్ని థియేటర్లు హౌస్‌ఫుల్ కలెక్షన్లతో నడుస్తున్నాయి. ఈ ఏడాదికి తమిళంలో ఇదే బ్లాక్ బస్టర్ మూవీగా ట్రేడ్ వర్గాలు అభివర్ణిస్తున్నాయి. రెండేళ్ల కిందట మురుగదాస్ డైరెక్షన్‌లో వచ్చిన ‘తుపాకీ’ కూడా వందకోట్ల క్లబ్‌లోకి వెళ్లిన విషయం తెల్సిందే!

కొడుకు కోసం నాగ్ కథ కొన్నాడు

?????????????????????????????????????????????????????????????????????హీరో నాగార్జున కొడుకు నాగ చైతన్య కెరీర్ కోసం బాగా ప్లాన్ చేస్తున్నాడు. ఏ సినిమా ఎంచుకుంటే ఎలా కలిసొస్తుందోననే టెన్షన్ చైతూకి లేకుండా అన్నీ తానే దగ్గరుండి చూసుకుంటున్నాడట.అందులో భాగంగానే తాజాగా తమిళంలో హిట్ కొట్టిన ‘సిరగం తోడు’ అనే మూవీకి సంబంధించి తెలుగు రీమేక్ రైట్స్ కొన్నాడట. తమిళంలో హిట్ అనిపించుకున్న ఆ కథ అయితే చైతూకి బాగా కలిసొస్తుందనే ఉద్దేశంతో నాగ్ ఈ పనిచేసినట్లు తెలుస్తోంది. దీంతో ఇప్పుడు ‘సిగరం తోడు’పై దృష్టి సారించారు. ఓ ఏటీఎం చోరీ చుట్టూ తిరిగే ఈ కథలో తండ్రీ, తనయుల సెంటిమెంట్ కూడా వుంది. ఒరిజినల్ వెర్షన్ డైరెక్ట్ చేసిన గౌరవ్‌తోనే తెలుగు వెర్షన్ కూడా డైరెక్ట్ చేయిస్తారని సమాచారం.

విద్యార్థి బుగ్గ గిల్లిన టీచర్ కు భారీ జరిమానా

చెన్నైలో ఓ విద్యార్థి బుగ్గ గిల్లిన టీచర్ కు మద్రాస్ హైకోర్టు భారీ జరిమానా విధించింది. ఆ వివరాల్లోకెళితే… 2012లో కేసరి హయ్యర్ సెకండరీ పాఠశాల టీచర్ మెహరున్నీసా ఓ విద్యార్థిని దండించే క్రమంలో బుగ్గ గిల్లింది. దాంతో, ఆ విద్యార్థి తల్లి ఈ ఘటనను స్టేట్ హ్యూమన్ రైట్స్ కమిషన్ దృష్టికి తీసుకెళ్ళింది. 2013లో కమిషన్ దీనిపై విచారణ జరిపి నిబంధనలు అతిక్రమించిందంటూ పాఠశాలకు రూ.1000 జరిమానా విధించింది. అదే సమయంలో విద్యార్థి తల్లి పాఠశాలను టీసీ (ట్రాన్స్ ఫర్ సర్టిఫికెట్) కావాలని కోరింది. బాలుడికి టీసీ ఇవ్వడంలో స్కూలు వారు జాప్యం చేశారు.

ఘటనలో సరైన న్యాయం జరగలేదన్న ఆవేదనతో పాటు, టీసీ ఇవ్వడంలో పాఠశాల వైఖరి విద్యార్థి తల్లిని హైకోర్టు దిశగా నడిపించాయి. అంతేగాకుండా, సైదాపేట మేజిస్ట్రేట్ న్యాయస్థానంలోనూ ఆమె ప్రైవేట్ కేసు దాఖలు చేసింది. అటు, తనను పలు విధాలా వేధిస్తున్నారంటూ టీచర్ మెహరున్నీసా కూడా హైకోర్టును ఆశ్రయించింది. దీనిపై గురువారం విచారణ జరిపిన హైకోర్టు… ఈ కేసు కింది కోర్టులో పెండింగ్ లో ఉందని, అక్కడకు వెళ్ళాలని సూచించింది. అంతేగాకుండా, ఆమెపై వచ్చి ఆరోపణలన్నింటిపైనా రూ.50000 జరిమానాగా చెల్లించాలని పేర్కొంది.

క్లాస్ రూంలో ఉన్న విద్యార్థిపై దండెత్తిన ఎమ్మెల్యే దంపతులు

ఉత్తరప్రదేశ్ లో అధికార సమాజ్ వాదీ పార్టీ ఎమ్మెల్యే షాజిల్ ఇస్లామ్ తన కుమారుడి కోసం ఏంచేశారో చూడండి! తనయుడు చదువుతున్న పాఠశాలకు భార్యా సమేతంగా వెళ్ళి, ప్రిన్సిపాల్ చూస్తుండగానే, ఓ విద్యార్థి చెంప చెళ్ళుమనిపించారు. దీనిపై ఫిర్యాదు చేసేందుకు, కనీసం, వ్యాఖ్యానించేందుకు కూడా స్కూలు యాజమాన్యం సాహసించలేకపోయింది. అయితే, ఎమ్మెల్యే చేతిలో చెంపదెబ్బ తిన్న బాలుడి తల్లి సుల్తానా మాత్రం దీన్ని సీరియస్ గా తీసుకుంది. తన కుమారుడు మహ్మద్ అలీ, ఎమ్మెల్యే కుమారుడు షర్ఫ్ ఒకే తరగతి చదువుతున్నారని తెలిపింది. వారిద్దరూ స్నేహితులని కూడా చెప్పింది. సోమవారం మధ్యాహ్నం ఫోన్ వచ్చిందని, తన కుమారుడు ఎత్తితే, ఎమ్మెల్యే భార్య ఆయేషా సలీమ్ బెదిరింపులకు పాల్పడిందని సుల్తానా వివరించింది. దీనిపై ఆయేషా భిన్న కథనం వినిపించింది. తన ప్రతిష్ఠను దెబ్బతీసేందుకు పన్నిన కుట్ర అని ఆరోపించింది.

“అలీ మా అబ్బాయిని రోజూ వేధిస్తాడు. ఆ విషయమే స్కూలు యాజమాన్యానికి చెప్పాలని వెళ్ళాం” అంటూ వివరించింది. దీనిపై, సుల్తానా స్పందిస్తూ, కొన్ని రోజుల కిందట ఎమ్మెల్యే కుమారుడు తన కొడుకును థర్మాస్ ఫ్లాస్క్ తో కొట్టాడని… ప్రతిగా తన కుమారుడు స్కేలుతో కొట్టాడని తెలిపింది. ఆ విషయం అంతటితో సద్దుమణిగిందని పేర్కొంది. అయితే, మంగళవారం నాడు ఎమ్మెల్యే స్కూలుకు వెళ్ళి తన కొడుకుపై చేయి చేసుకున్నాడని చెప్పింది సుల్తానా. ఎమ్మెల్యే భార్యకు తాను క్షమాపణలు చెప్పినా, ఇలా చేశారని వాపోయింది. దీనిపై స్కూలు యాజమాన్యానికి ఫిర్యాదు చేశానని, వారు ఎలాంటి నిర్ణయం తీసుకుంటారో చూసి, తదుపరి చర్యకు ఉపక్రమిస్తానని ఆమె తెలిపింది.

బాబుకు ఝలక్: తెరాసలో చేరిన తలసాని, తీగల

హైదరాబాద్: తెలుగుదేశం పార్టీకి రాజీనామా చేసిన సనత్ నగర్ ఎమ్మెల్యే తలసాని శ్రీనివాస్ యాదవ్, మహేశ్వరం ఎమ్మెల్యే తీగల కృష్ణారెడ్డి, శాసన మండలి సభ్యుడు గంగాధర్ గౌడ్ తెలంగాణ ముఖ్యమంత్రి కల్వకుంట్ల చంద్రశేఖర రావు సమక్షంలో బుధవారం తెరాసలో చేరారు.

మీర్‌పేటలోని తీగల కృష్ణారెడ్డి కళాశాలలో ఏర్పాటు చేసిన బహిరంగ సభలో కేసీఆర్ వీరికి గులాబీ కండువా కప్పి పార్టీలోకి ఆహ్వానించారు. ఈ సందర్భంగా కేసీఆర్, తీగల, తలసాని తదితరులు ఆంధ్రప్రదేశ్ ముఖ్యమంత్రి, టీడీపీ అధ్యక్షులు నారా చంద్రబాబు నాయుడు పైన తీవ్రస్థాయిలో ధ్వజమెత్తారు.

ఢిల్లీ వెళ్తాం: తెలంగాణ టీడీపీ

బాబుకు ఝలక్: తెరాసలో చేరిన తలసాని, తీగల

తెలంగాణ రైతుల గోడును కేంద్రానికి వినిపించడానికి గురువారంనాడు ఢిల్లీ వెళ్లాలని తెలంగాణ తెలుగుదేశం పార్టీ నిర్ణయించింది. తెలంగాణ రాష్ట్ర సమితి నాయకులు కూడా తమతోపాటు ఢిల్లీ రావాలని ని తెలంగాణ తెలుగుదేశం పార్టీ అధ్యక్షుడు రమణ, సీనియర్‌ నాయకుడు ఎర్రబెల్లి దయాకర రావు టీఆర్‌ఎస్‌ నాయకులకు విజ్ఞప్తి చేశారు.

తెలంగాణ రైతుల వెతల గురించి టీఆర్‌ఎస్‌ ప్రభుత్వం అసలు పట్టించుకోవడంలేదని వారు ఆరోపించారు. తమతో పాటు ఢిల్లీ వస్తే తమకు సంతోషమని, ప్రధానమంత్రి నరేంద్ర మోదీని ఢిల్లీలో కలిసి సాయం చేయాలని కోరదామని, రైతుల ప్రాణాలు కాపాడడానికి కలిసి పోరాడదామని వారు టిఆర్‌ఎస్‌ విజ్ఞప్తి చేశారు.

రైతుల ప్రాణాలు పోతుంటే ఇంకా తపడు ప్రకటనలతో మోసం చేస్తున్నారని తెలంగాణ తెలుగుదేశం పార్టీ నాయకులు రమణ, ఎర్రబెల్లి దయాకర రావు తెలంగాణ రాష్ట్ర ప్రభుత్వంపై మండిపడ్డారు. తపడు ప్రకటనలతో టిఆర్‌ఎస్‌ ప్రభుత్వం రైతులను దగా చేస్తున్నదని, తెలంగాణ రైతులను ఆదుకోవాలని కేంద్రాన్ని కోరదామని వారు కోరారు.

రైతులకు ఇబ్బంది కలుగుతుందంటే గతంలో ఇదే ముఖ్యమంత్రి కేసీఆర్‌ రైతులకు వె య్యి కోట్లు ఏందండీ? పది వేల కోట్లు ఇవ్వాలని అన్నారని ఎర్రబెల్లి గుర్తు చేస్తూ ఇపుడు ముఖ్యమంత్రి అయ్యాక కనీసం వంద కోట్లు కూడా ఇవ్వడం లేదన్నారు. ఇప్పటికిపడు కనీసం వంద కోట్లు ఇవ్వు అని ఆయనను అడుగుతున్నం అని ఆయన మీడియా సమావేశంలో చెప్పారు.